LGTBIQ+ Nazioarteko Eguna da gaurkoa, Harrotasun Eguna. Horregatik, mobilizazioa antolatu du Ekainaren 28ko plataformak, LGTBIQ+ komunitatearen defentsan. Manifestazioa autobus geltoki zaharretik abiatuko da, ohi bezala, 19:00etan. Lehenago, 18:30ean, oroimen historikoaren ekitaldia eginen dute.
Zerbitzu publikoak martxan
Herri mugimenduaren deialdiaz ez ezik, udaleko ordezkariek elkarretaratzea eginen dute, udaletxeko plaza, 12:00etan. Gainera, 'Harrotu' LGTBIQ+ informazio eta arreta zentroa zabaldu berri du udalak.
Horrez gainera, LGTBIQ+ eskubideen aldeko deklarazioa onartu zuen Nafarroako Parlamentuak astelehenean, eta ortzadar koloreko bandera ipiniko du gaur balkoian.
LGTBIQ+ komunitatea diskriminatuta dagoela gogorarazi zuten, deklarazio instituzionalean, bai eta munduko hainbat tokitan, oraindik ere, heriotza zigorra existitzen dela, gay, lesbiana eta transexualentzat. Horregatik, LGTBI legea berria garatzeko, "beharrezko giza baliabide eta diru baliabide guztiak" jarriko dituztela onartu zuen legebiltzarrak.