"Eztabaida sortu dugu egoeraren berri eman eta erabaki hori hartu genuenetik. Horrek eragin du, bizilagunen artean gaiaz hitz egin eta hausnartzea eta agintariekin ere mintzatzea gaiaren inguruan", adierazi du Mikel Urabaien Paris 365 jantoki solidarioko kideak. San Lorenzo kalearen inguruan sortzen ziren gatazkak gutxitu direla-eta, berriz ere afari zerbitzua bertatik-bertara eskaintzea erabaki dute: "Erabiltzaileak etor daitezke modu seguruan, bero eta beste herritar batzuekin afaltzera", esan du Urabaienek. Egun, 60 erabiltzaile hurbiltzen dira Paris 365 jantokira. 20 zentimoren truke hartu dezakete gosaltzekoa eta euro baten truke bazkaria eta afaria. Mikel Urabaienekin Euskalerria Irratian egindako elkarrizketa argazkian klik eginda entzun daiteke.
Mikel Urabaien (Paris 365): "Afariak berriz ere toki seguruan eta bero hartu ditzakete"
Paris 365 jantoki solidarioaren inguruan, kalean, sortu ziren gatazka-uneak izan ziren afariak bertatik-bertara ez emateko arrazoia. Afaltzera zihoazenen segurtasuna lehenetsi zuten eta bi hilabetez zerbitzu hori tuper bidez banatzen aritu ondoren, atzotik, "seguru, bero eta beste pertsonekin batera" har dezakete erabiltzaileek.
Erlazionatuak
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
