"Nekea eta haserrea islatzera aterako gara kalera gaur", horixe adierzi du Iosu Arraiz LAB sindikatuko hezkuntza alorreko ordezkariak. Greba egiten ari dira eta goizean goizetik protestetan ikusaraziko dituzte euren aldarrikapenak. "Otsailetik ez genuen Carlos Gimeno ikusi eta greba egunerako bi egun geratzen zirela deitu gintuen deus ere ez esateko. Antzezlan horretan parte hartu nahi ez genuelako altxatu ginen mahaitik", azaldu du. Informazio piketeak egiten ari dira goizean, elkarretaratzea eginen dute 11:00etan hezkuntza departamentuaren egoitzaren parean eta 18:00etan manifestazioa deitu dute Gurutze plazatik abiatuta. Iosu Arraizi egindako elkarrizketa argazkian klik eginda entzun daiteke.
Iosu Arraiz (LAB): "Nekea eta haserrea helarazten ari gara greba honetan"
Greba egiten ari dira hezkuntza publikoko irakasleak dituzten lan baldintzak hobetzeko beharra dagoela sinetsirik. Hezkuntza publikoko sindikatu guztiek bat eginda ratioen jaitsiera, eros ahalmenaren berreskuratzea, lan-taldeaen egonkortzea eta lan zamaren arintzea eskatzen ari dira.
Erlazionatuak
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
