Auzoetako protesten erdian eta Nafarroako Gobernuak apustu eta joko etxeen ugaritzea saihesteko egindako moratoriaren erdian, Iruñeko Udalak beste lizentzia bat eman du horrelako areto baterako. Diario de Noticiasek lortutako informazioaren arabera, Hirigintza eta Osasun arloak lizentzia bat eman du "sailkatutako jarduera eta obretarako, apustuetarako eta klimatizaziorako lekua duen joko-aretorako lokal bat egokitzeko, Navas de Tolosa kaleko 25. zenbakian". Eskaera Recreativos Miravallesek izapidetu du.
Udalak urriaren 28an eman zuen lizentzia, Nafarroako Gobernuaren moratoria indarrean sartu baino 3 egun lehenago. Astelehen honetan gainera, Iruñeko erabaki zuen apustu-etxeetarako, joko-aretoetarako eta bingoetarako obra-lizentziak eta irekiera-lizentziak 12 hilabetez etetea, gehienez ere.