"Gehiegizkoa eta lekua kanpokoa" da 53 familiek euskarazko haur eskolen aurka aurkeztutako helegitea, Joseba Asiron alkatearen irudiko. Guraso horiek argudiatu dute Donibaneko eta Printzearen harresiko zentroak euskaraz izatea heldu den ikasturtean ez dela "beharrezkoa". Euskarazko eskaria ez dela eskaintza bezain handia deritzote.
Zenbakiek, ordea, kontrakoa diote: 240 eskaera egin dituzte aurten euskarazko eredurako, eta 194 leku baino ez daude. Haur asko kanpoan geratuko dira.
Udalak autoaren kontra egindako helegitean, "53 errekurtsogileen interesa" eta "aurre matrikula egin duten 1.200 haurren interes legitimoa" kontrajarri egiten direla esan dute txostengileek.
Badago haur eskolak ereduz aldatzeko aukera
Behin behinean ez dira hizkuntza ereduz aldatuko haur eskolak. Baina neurri hori helegitez erantzun ahal zaio, egin bezala, eta epaileak onartzen badu, behin behineko neurria kendu, eta martxan jarri ahalko lirateke eskolak. Beraz, epaitegiaren esku baino ez dago erabakia.
