Hodei magoak Sentsazioak ikuskizun berria aurkezten digu non, hari bezala, teknologia berriak aztertzeko erronka onartu baitu. Gauzak hainbeste aldatu dira ezen orain "smartphone" batekin besapean jaiotzen baikara. Sarrerak: 3€ txarteldegian eta interneten.
Anari Alberdi idazle eta musikariaren Gari eta goroldiozko liburuaren aurkezpena Katakraken, arratsaldeko 19:00ean.
Bestelako Argiak jaialdia Ziudadelan izanen da berriz ere, abenduaren 16tik urtarrilaren 8ra, sarrera librea duen adin guztietarako eskaintza zabalarekin. Jaialdiak honako hauek barne hartzen ditu: bideoarte-proiekzioak, argi-instalazio interaktiboak, haurrendako eta familiarteko sormen-lantegiak eta hainbat arte-erakusketa. Proposamenak hausnarketarako, gozamenerako, jolaserako eta emozioetarako gonbita egiten du bideosorkuntzaren bidez eta argia protagonista duen ikus-entzunezko artearen bidez. Informazio guztia webgunean.
Abenduaren 23tik urtarrilaren 8ra (abenduaren 25, urtarrilaren 1 eta 6 izan ezik) goizeko 12:00ean zinema saioa Golem la morean. Euskaraz eskainiko diren filmen artean Rabbit Academy eta Nire Zirkua ikusgai egongo dira. Sarrerak: 5€ eta 1€ko gehigarria 3D filmetarako.
Haurrentzako sukaldaritza tailerran abenduaren 26an, 28an eta 29an. Goizeko 10:00etatik 12:00etara edo 12:15etik 14:15era. 5 urtetik aurrerako haurrentzat zuzenduta dago tailerra. Hiru saioen prezioa 8€koa da eta izen ematea abenduaren 21a baino lehen: https://labur.eus/BBx2g
Nafarroako Museoak haurrentzako tailer didaktikoak antolatu ditu gabonetan. 5 urtetik aurrerako haurrentzako tailerrak dira eta abenduaren 27 eta 30 bitartean bi taldetan emango dira. Izena emateko: Museoko leihatilan, abenduaren 10etik aurrera, 9: 30ean, museoaren irekiera-ordutegian, iritsiera-ordenaren arabera eta plazak agortu arte.