Salhaketa Nafarroak kontzretuak antolatu ditu Burlatako Euskal Herria peñan. Hamar musika talde ezberdin arituko dira oholtza gainean, kontzertuak doakoak dira eta tabernan lortutakoa jasoko du Salhaketak. Taldeen artean DJ Reimy, Broken Brothers Brass Band, Las Tipex edota Basajaun arituko dira. Arratsaldeko 18:30ean hasiko dira kontzertuak.
Markos Goikolea Bartzelonan bizi den iruindar antzerkigileak sinatzen du Ez naiz inoiz Dublinen egon komedia. Gezurrez betetako familia bati buruzko antzezlana da. Elena, alaba gazteena, Londrestik itzuliko da, hiru urtean harremanik izan gabe egon eta gero, eta, azkenean, Eguberri-gaua elkarrekin ospatuko dute. Hala ere, Elena ez da bakarrik etorriko, Cindyrekin baizik, denek ezagutu nahi duten irlandar neska-lagunarekin. Ikuskizuna arratsaldeko 20:00etan abiatuko da Gaiarrre antzokian eta sarrerak 10 euroan eskuratu daitezke.
Nafarroako Kutxa Fundazioak Juan Carlos Pikabea margolari nafarraren Landa eremukoa eta hurbilekoa erakusketa hartuko du Civicanen, Aterpeak zikloaren barne. Nafarroa osoko paisaiak dira eraskusketa honetako protagonistak. Egileak azaldu bezala, Foru Erkidegoan barrena murgiltzen den ibilbide piktorikoa da, "gure ingurune hurbileko aberastasuna eta aniztasuna erakusten duena".
Apirila | ||||||
---|---|---|---|---|---|---|
al | ar | az | og | ol | lr | ig |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 |