Aiztondeta elkarteak Lizarrako eguna antolatu du lehen aldiz, larunbatean. Goizeko 9:00etan abiatuko dute eguna Lizarrako mendizale elkartearekin eta Aiztondetara igoko dira. Ondoren, 11:00etatik aitzina puzgarriak, tirolina, tailerrak eta beste zenbait jarduera prestatu dituzte Santiago Plazan. 15:00etan Herri bazkaria eta ondoren, ikuskizunak eta kontzertuen txanda izango da. Flitter, Josetxu Piperrak and The Riber Rock Band, Chill Mafia eta Goxua´n Salsa izango dira kontzertuan. Sarrerak eskuragai.
Mendillorriko Eluntze dantza taldeak 15 urte beteko ditu eta horretarako egun osoko egitaraua antolatu dute. Iruñerriko zenbait dantza talde batuko dira eta dantza ikuskizuna eginen dute goizean. Ondoren, bazkari herrikoia antolatu dute eta arratsaldean musika Maka-Rita DJ eta Tudelilla festen eskutik.
Nafarroako Kutxa Fundazioak Juan Carlos Pikabea margolari nafarraren Landa eremukoa eta hurbilekoa erakusketa hartuko du Civicanen, Aterpeak zikloaren barne. Nafarroa osoko paisaiak dira eraskusketa honetako protagonistak. Egileak azaldu bezala, Foru Erkidegoan barrena murgiltzen den ibilbide piktorikoa da, "gure ingurune hurbileko aberastasuna eta aniztasuna erakusten duena".
Apirilaren 11tik 25era, ostegunero, proiekzioak, hitzaldiak eta pintxo-potea antolatu ditu Berriozarko mendi eskolak. Apirilaren 11n, 19:00etan, Labarga elkartean: Ander Zabalza García, ‘Xabier Ormazabal’ mendiko bekaren irabazlea: “Eskalada tradizionalaren aldarria: Bide berriak britainiar eta norvegiar uharteetan”. Apirilaren 18an, 19:00etan, Zulo Alai elkartean: Filma: “212 Mountains” (Luis Arrieta eta Xabier Zarranz) eta mahai-ingurua: Xabier Zarranz, Oihana Azkorbebeitia eta Asier Labairu. “Trail-running-aren gorakada eztabaidagai. Norantz goaz? ” Moderatzailea: Unai Ugartemendia. Apirilaren 25ean, 19:00etan, Berriozarko Entzunaretoan: ‘MendiAldia’ gala, lehiaketetako sariak emateko. Ondoren film-laburra: BKEren espedizioa 2024an Kaukasora; eta “Into the Ice” filma, glaziarrak ikertzeko Darwin mendikatera egindako euskal alpinismoaren espedizioari buruzkoa. Eñaut Izagirre izango dugu gurekin.
Apirila | ||||||
---|---|---|---|---|---|---|
al | ar | az | og | ol | lr | ig |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 |