"PintxoPato Bideak" Nafarroako 45 taberna bildu ditu aurten, ahatea protagonista duten pintxo bereziak eskaintzeko. Horietatik 27 Iruñerrian daude eta igandera arte izango da proposamen gastronomiko horiek dastatzeko aukera.
Estafeta kaleko Gatza tabernan ahate kaneloia sortu dute. Julen Urtasunek azaldu digu nola sortu duten pintxoa, nola antolatzen diren ekimenaren atzean dagoen lanari aurre egiteko eta bezeroen harrera ona izaten ari dela. Lan handia eskatzen duen arren, gustura hartzen dute parte, bezeroei proposamen berriak eskaintzeko eta ahatearen inguruan plater berriak sortzeko aukera paregabea baita.