Musika pilulak-en atal berri honetan, Triggerren Salgaiak azken lanetik jasota ekarri du Hasier Larretxeak Harpea abestia. Badok atarian bakarrik entzun dezakegun kantua da, edizio fisikoaren alde egin baitu Trigger proiektuaren atzean dagoen Eñaut Zubizarreta musikariak. Apustu horrek ere jada zerbait ematen digu proiektu honen izaerari buruz. Trigger, Eñaut Zubizarreta, Aretxabaletako txelo jotzailea eta sortzailearen izen artistikoa da eta duela zenbait urte bide berriak zabaltzen hasi zen, musika klasikoaren esparru hertsietatik aterata, bertze hainbat estiloetara hurbilduz. Hartea abestia agertzen den diskoak Salgaiak du izena eta Triggerren laugarren lana da.