Filomena, Muskilda eta Matilde zeruko, lurreko eta bizitzako esploratzaileak dira. Bake eta Bizikidetza Zerbitzuaren eta Nafarroako Liburutegi Sarearen eskutik, buru-belarri jarraitzen dute, ikertzen eta lanean. Helburua argia da: munduko haur guztiak ingurune seguru batean eta elkarrekin bizitzea. Oraingo honetan, nahi ez den bakardadean jarri dute arreta. Izan ere, askotan adinekoekin lotzen dugu hautatzen ez den bakardadea, baina haurtzaroan eta nerabezaroan ere gertatu daiteke. Horri aurre egin nahi dio hain zuzen ere Stop Bakar ekimenak. Nafarroako Gobernuko Memoria eta Bizikidetza saileko Gorka Santestebanekin ekimenaren inguruan eta bakardadearen arrazoi eta ondorioen inguruan mintzatzen aritu gara Guardasola saioan.