Epaiketa izan dute BDZ ekimeneko hiru kidek martxoan Iruñeko zenbait eraikin babestutan Israel Palestinan egiten ari den genozidioa salatzen zuten pintaketak egiteagatik. Espetxe zigorra eskatu dute haientzat, nahiz ez duten bete beharko. Prozesua luzea, gogorra eta itsusia izan dela azaldu du Euskalerria Irratian Txuri Ollo akusatuetako batek (elkarrizketa argazkian klik eginda entzun daiteke):
Nola bizi izan duzue epaiketa?
Oso urduri, baina zorionez pasa da.
Zer eskatu dute zuentzat?
urtebeteko espetxe zigorra, aurrekari penalak eta isuna izatea. Gure abokatuak fiskalarekin negoziatu zuen eta adostu zuten espetxea edo isuna aukeratzea. Beteko ez den espetxe zigorra hautatu genuen.
Prozesua honetan justizia errestauratiboan hartu duzue parte.
Bai, urtebeteko prozesua izan da. Maria Rovirarekin izan gara, ANAME Elkartekoa. Bilera asko egin ditugu. Berak pentsatzen zuena inposatu nahi izan du. Berak idatzitakoa sinatu behar izan dugu lege-aginduz nahiz gu batere ados ez egon. Nazkatuta bukatu dugu bilera eta konfesiorekin. Epaiketan amaitu behar izan dugu.
Pintaketa batzuengatik zaudete orain egoera honetan. Palestinaren alde eta Israel egiten den genozidioa salatzeko egin zenituzten.
Bai. Gure esperientzia oso itsusia izan da. Nahiz hasieran atsegin jokatu zuten gurekin, gero ikusi dugu nolakoa izan den. Elizako konfesionarioan bagina bezala sentitu gara. Egin genuena aitortu, damu ginela esan, barkamena eskatu, berriz ez genuela eginen esan eta ia penitentzia egiteraino.