Sanferminetan kalera atera baldin bazarete, alde zaharrera hurbildu bazarete, akaso atzemango zenuten paretak bete dituzten kartel zuri beltz batzuren presentzia. Kartel soilak izanagatik, atentzioa eman duten kartelak izan dira, lau hizkuntzatan agertu diren hiru esaldi desberdinekin: “Gizona, ez eraso”, “Gizona, zure laguna lizuna bada zer egingo duzu?” eta hirugarrena, “Gizona: zenbat espazio hartzen duzu?”.
Mezu sinpleak, argiak eta zuzenak, besta giroan ematen den sexu indarkeriaren aurrean gizonei urrats bat eman eta ardura hartzera bultzatzen dietenak. Eraikiz kolektiboa dago mezu horien atzean. vSanferminetan bakarrik ez, eta Eraikiz kolektiboak Nafarroako gainontzeko herri eta hirietako bestetara zabaldu nahi du kanpaina. Horretarako, kartelak formatu digitalean jarri dituzte eskuragarri, edonork inprimatu eta jarri ditzan. Garrantzitsuena, Gotak berak nabarmendu bezala, gizonek urrats bat eman eta ardurak hartzen hastea da.