Azken asteetako bero-boladek eta Nafarroan izandako suteek berriz ere mahai gainean jarri dute baso-suteen arriskua. Egoera horren harira, Aitor Andueza suhiltzailearekin hitz egin dugu aurtengo kanpainaren, suteen bilakaeraren eta prebentzioaren inguruan.
Anduezak azaldu duenez, uda-kanpainak gero eta lehenago hasten dira eta gaur egungo suteak konplexuagoak eta bortitzagoak dira. Tenperatura altuek, hezetasun faltak eta mendietan pilatutako landarediak sua azkar zabaltzeko baldintza egokiak sortzen dituzte. Horregatik, nabarmendu duenez, egungo sute handiek askotan gainditzen dituzte itzaltzeko gaitasunak, eta gero eta garrantzitsuagoa da aurreikuspena, baso-kudeaketa eta prebentzioa.
Suhiltzailearen esanetan, herritarren ardura ere funtsezkoa da. Sute txikiak garaiz antzematea, arrisku egoeretan zuhurtziaz jokatzea eta mendien kudeaketa egokia sustatzea ezinbestekoak dira sute handiak saihesteko. Azken finean, arazoa ez da sute txiki eta kontrolatuak egotea, horiek oreka mantentzen laguntzen baitute. Kontrolatu gabeko sute handiak dira saihestu behar direnak.