Iruñea, 1983. Trantsizio Energetiko eta Digitaleko zuzendari nagusia da. Garbiñe Basterrak argi azaldu digu Nafarroako Gobernuak oinarriak jartzen dituela lantegietan eraldaketa digitala gerta dadin. “Ez dago aitzakiarik: azpiegiturak eta formazioa eskaintzen ditugu”. Bere esanetan, ez dago beste aukerarik aurrera egiteko, enpresak garatzeko. Atzean geratzeko arriskua handia dago. “Digitalizazioren aukera aprobetxatu behar dute enpresek bestela ez dira lehiakor izanen”.
Garbiñe Basterraren ustez, digitalizazioaren fenomenoa oso azkar gertatzen ari da, adimen artifiziala gure artean dugu. “Dena den, ez da oso modu arinean garatzen ari eraldaketa digitala Foru Komunitatean baina gero eta lantoki gehiagorekin gaude harremanetan. Horren emaitza somatuko dugu. Tamaina eta sektore orotara hedatu behar da asmo hau. Etorkizuna hor dago”.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.