Abuztuaren 12an ilargiak eguzkia estaliko du eta, minutu batzuz, eguna gauz mozorrotuko da. Eguzki eklipsea astronomiak eskaintzen dizkigun fenomeno ikusgarrienetako bat da, baina badakigu zergatik eta nola gertatzen den? Nola azaldu etxeko txikienei, beraiek ere uler dezaten? Lasai, haur literaturako egile ugari arduratu baitira dagoeneko horretaz. Gai horren bueltan zein zientziako bestelako eremuen inguruan aritzen diren liburuetaz aritu gara gaur Samira Calvorekin, eta hiru ale zein baino zein interesgarriago ekarri dizkigu mahai gainera: Hona gu hemen (Txalaparta), Oliver Jeffersek idatzi eta Garazi Arrulak euskaratutakoa; Aina Bestard Viláren Eguzki sistemako paisaia ezezagunak (Txalaparta), Oskar Ibaberen itzulpenarekin; eta Eklipseak, Noemí Fabrarena.