Udaberriarekin batera iristen dira polena, ziztadak… eta erleak. Baina erleak ez dira eztia ekoizten duten intsektu hutsak: Europako elikagaien %76 polinizazioaren mende dago, eta polinizatzaileak dira ekosistemaren oinarrietako bat. Hala ere, erle eta intsektu espezie askok gainbehera kezkagarria dute habitat-galeragatik, plagizidengatik eta klima-aldaketagatik.
Testuinguru horretan, Aritz Romeok azaldu du nola aldatu den ikuspegi juridikoa: lehen erlauntzaren jabetza eta ekoizpena ziren ardatza; gaur, berriz, biodibertsitatearen babesa, zuhurtzia-printzipioa eta politika publikoen integrazioa dira gakoa. Europako estrategiek eta estatuko araudiek polinizatzaileen garrantzia aitortu dute, baina araudi sakabanatua da oraindik. Horrek arazoak sortzen ditu zuzenbidearen aplikazioan eta, praktikan, polinizatzaileen babesaren eraginkortasunean.
Erleak ulertzea, beraz, ez da biologia kontu bat bakarrik: gure elikadura, ekonomia eta ingurumen-eskubideak ulertzeko beste modu bat ere bada.