Agerraldian eskola-ratioak murriztea "ezinbestekoa" dela adierazi zuten haurrei eta nerabeei arreta hobea emanen zaiela bermatzeko. Era berean, gogorarazi dute aldarrikapen hori izan dela sare publikoko irakasleen eskaera nagusietako bat azken urteetako hezkuntza-grebetan.
0-3 urteko etaparako 4 eta 8 ikasle gehienez izatea eskatzen ari dira; 3-6 urterako, haur hezkuntzarako, 15 ikasle izatea ikasgela bakoitzean gehienez; Lehen Hezkuntzan 15 eta 18 ikasle gehienez eta Derrigorrezko Bigarren Hezkuntzarako 15 eta 20 ikasle artean gehienez. Eta gainera, landa eremuetako ikastetxeetarako ratioak murriztu dituzte eta zenbateko espezifikoak jaso adin desberdinetako haurrak bateratzen direnetan.
Gainera, kolektiboek adierazi zuten aldarrikapen hori Nafarroako hezkuntza publikoa hobetzeko lehen urratsa baino ez dela, lehentasunezkotzat jotzen baitute beste arazo batzuei heltzea, hala nola orientazioko langileen lan-gainkargari, jantoki publikoen faltari, garbiketako langileen prekarietateari edo hezkuntza-azpiegituren narriadurari.