Fantasia diskoaren ostean egin zien elkarlanerako eskaintza Eñaut Elorrietak soka musikariei. Baiezkoa berehala jaso zuen. Errepertorioa fintzea hasi ziren. Sortzaileen esanetan, “lan asko egin dugu, abesti ugari alde batera utzi, eta proiektuaren sendotasuna, eta bereziki, moldaketen kalitatea eta soinua lehenetsi ditugu”. Hitzordua. Pompelo Civivox, martxoak 20, 19:30. Sarrerak amaitzear.
Eñaut Elorrieta kantariak eta Alos Quartet soka laukoteak ‘Ahots kordak’ izeneko emanaldia eskainiko dute Pompelo Civivox aretoan, martxoaren 20an. Bi elementu sinple uztartzen dituzte: ahotsa eta kordak. Biolinak, biola eta biolontxeloa.
Elorrietaren ibilbide osoa izanen du ardatz nagusi kontzertuak: Ken Zazpitik hasi eta bere bakarkako azken laneraino. Ez hori bakarrik. Alos Quartet taldearen hainbat kantu esanguratsu bilduko ditu ikuskizunak. Xabier Zeberio biolinista eta Eñaut Elorrieta izan dira Metropoli Forala saioan.
Erlazionatuak
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!