Otsaila indartsu dator Labako eszenatokira. Ostiral honetan kontzertu bikoitza egonen da: Copenhagetik Danimarkako hiriburutik zuzenean datorren Miaw taldearena, alde batetik; eta etxetik, Arrasatetik, De Val taldearen emanaldia. Jon García del Valek abiatutako proiektuak bikote formatua hartu du orain, Marta Ugarterekin batera. Bigarren diskoarekin datoz: Duda-muda. Karrusel geldiezina izena du eta musika sintetikoaren eta organikoaren artean mugitzen diren zortzi kanturekin dator.
Leku askotatik edaten duen diskoa dela aitortu du musikariak, Del Val izeneko lehenengo proiektuarekin alderatuz ilundu eta sakondu duen soinua dakarrena. Ez da aldaketa bakarra izan. Bigarren diskoa lauko formatuan grabatu badu ere, lehenengoaren gisan, bigarren honetan biko formatuaren aldeko apustua egin du eszenatokira eramaterakoan. Ugartek eta berak diskoaren atmosfera oholtza gainera eramaten asmatu dutela ere azpimarratu du.
Ostiraleko kontzertu bikoitzerako sarrerak 5 euroan daude salgai dagoeneko Labaren webgunean bertan.