Hilabetero moduan Geltokiko kultur agendari errepasoa emango diogu, ohikoa denez ekitaldiz beterik datorrelako urtarrila ere. Urtarrilaren 14an, Beraiek ez dira eguberri hauetan egon izenburupean, joan den urtean indarkeria matxistaren biktimei omenaldia egingo die Lunes Lila elkarteak. Kai Etxaniz, Aurora Beltran edota Maite Iriarteren parte hartzea iragarri dute.
Urtarrilaren 15ean berriz, dastaketa konbinatua antolatu du Geltokik. Oraingo honetan, Lakartik Edorta Lezaun hurbilduko da, Lezaun upategien arduraduna, eta Zizurretik Embutidos Arizaleta proiektuko arduradunak. Produktuak dastatzeaz gain, Geltoki Tabernako beste elaborazio gazi eta gozoekin lagunduko da.
Hilabete osoan zehar bi erakusketa egongo dira ikusgai, Casandra eta Ana Cabezasen eskutik.
Irrintzi Plazan Amets Aznarez Geltokiko kultura programatzailea gonbidatu dugu agendaren inguruko xehetasunak jasotzeko. Informazio guztia www.geltoki.red webgunean aurkituko duzue.