Inoizko kabalkadarik jendetsua izanen da 99.a Iruñean: "Iaz uste genuen goia jo genuela parte hartzaileei begira, baina aurten jende gehiagok eman du izena. Horri erantzuteko hiru talde gehiago arituko dira desfilean: argiztatzaileak, barnezitzaileak eta ikazkinak", azaldu du Iruñeko Errege Magoen Kabalkada Elkarteko presidente Leticia Bergarak. Magdalena zubitik iritsiko dira Iruñera eta Zumalakarregi atea zabalduko die alkateak Joseba Asironek. Alde Zaharrean barna ibiliko dira eta 17:00etarako udaletxean jasoko dituzte udalbatzako kideek Meltxor, Gaspar eta Baltasar. Balkoietatik solastuko dira hiruak eta gerorako zitaren berri emanen diete bertaratutakoei: "19:00etan aterako da kabalkada eta ohiko ibilbidea eginen du". Informazio guztia Leticia Bergarak eman du Euskalerria Irratian. Argazkian klik eginda entzun daiteke elkarrizketa.