Azaroaren 25a Emakumearen Aurkako Indarkeria Ezabatzeko nazioarteko eguna da. Leire Martinez Etxeberria Equala berdintasun aholkularitzako kideak ohartarazi digu, “indarkeria matxistaz ari garenean bikote harreman barruan, bereizketak ematen direnean edota bortxaketak gertatzen direnean sortzen direla pentsatzen dugu. Baina, tamalez, indarkeria kasuak alor asko hartzen ditu. Askotan ere kostatzen zaigu horiek identifikatzen, ez dakigulako izendatzen, oso barneratuta ditugulako eta indarkeria ez direla pentsatzen dugulako”. Hain zuen ere, indarkeria matxista kasu horiek identifikatu ahal izateko hainbat albiste bildu ditu Leire Martinez Etxeberriak Bazterrak nahasten Irrintzi Plazako atalean.