Eguzki-lorea, Carlina Acaulis eta Carlina acanthifolia landareen izen arrunta da. Ereiten denetik lorea ateratzen den arte bi urte pasatzen dira. Lehenengoan hostoak besterik ez dira ateratzen eta bigarrenean lorea. Lorearen kolore horixka ikusi baino lehen, lorea babesten duen arantzazko armazoia ikusi daiteke.
Espiritu txarrak uxatzeko Euskal Herriko ateetan jartzen da eguzki-lorea. Aproposa da horretarako, izan ere lorea ez da zimeltzen eta beraz, iraupen handikoa da. Lehortzen direnean ere, edertasuna mantentzen dute.
Bere sustraiak konposatu antibiotikoak dituen olio esentzial bat du, ekzemak eta aknea tratatzeko erabiltzen dena, baita sukarra eta beste gaixotasun batzuk sendatzeko ere.
Irrintzi Plazako Baratzondo atalean eguzki-loreaz aritu dira Aitor Gartzia eta Irene Seminario.