Berdintasunaren inguruko gaiak, gaurkotasuneko albisteak, fikzioak eta bestelako kontuak izanen ditu solasgai Leire Martinez Etxeberriak Irrintzi Plaza saioan izango duen Bazterrak nahasten sekzio berrian. Modu informalean arituko da kontu guzti horien bueltan, izan ere "saltseatzea" gustatzen zaio berdintasun teknikariari. Urteak daramatza Equala berdintasun aholkularitzan lanean eta hala ere, aitortu digunez, oraindik "inpostorearen sindromea" jasaten jarraitzen du. Iruzurtiaren sentimendu hori astinduko du, hala ere, Bazterrak nahasten atalean. Hilabetean behin izanen dugu Irrintzi Plaza saioan, guzti honen bueltan hitz egiten.