Mugak hautsi dituzten emakumezkoak beharrezkoak izan dira zineman, askotan Maria Castejonekin aipatu dugun bezala, ispilu eta leiho funtzioa daukalako pantaila handiak: ispilu, kontatu gabeko istorioetan identifikatuta sentitu gaitezkeelako; leiho, leku berrietara begiratzeko parada eskaintzen digulako. Zinemako emakume errebeldeak sekzioaren atal berri honetan, etxekoandreak eta amak izan ditugu solasgai.
Alde horretatik, aipatu beharreko flimeetako bat izan da Madisoneko zubiak, Clint Eastwoodek zuzendu eta protagonizatutako film mitikoa, eta bertan agertzen den pertsonaia nagusia: Francesca (Meryl Streep). Etxeko lanetara lotuta bizi izanagatik ere, ahaztutako desira eta pasioa berreskuratzeko pausu ausarta ematen duen emakumea. "Pertsonaia honek eredu berri bat eman zigun. Ordura arte, maitaleak zituzten emakumeak emagaldu bezala tratatzen ziren, eta honek horri buelta eman zion".
Ezin genuen, noski, zinema garaikideak eman digu etxekoandre errebeldeena aipatu gabe utzi: Carmina Barrios, Paco Leon zinemagilearen Carmina y Revienta eta Carmina y Amen filmeetako protagonista eta bere ama. Errealitatearen eta fikzioaren artean mugitzen den pertsonaia, zalantzarik gabe, eta Castejonen iritziz "eredugarria" beharko lukeena.