Irailaren 2tik 13ra Nafarroako Musika Garaikidearen Jaialdia ospatuko da. Oraingo eta etorkizuneko luthierrak izanen dira protagonista. Musika tresnak egiteko artisautza tradizionala eta egungo adimen artifizialak zabaltzen dituen aukerak aztergai eta entzungai izanen dira, Iruñean. Xabier Olazabal akordeoilari eta txistulariak eman dizkigu xehetasunak Euskalerria Irratian.
NAK jaialdiaren 11. edizioak antzinako bideei baina, batez ere, musika sortzeko aukera modernoei erreparatzea du helburu. lutheria izenburuko festibalean hemezortzi jarduera antolatu dituzte, eta osotara 27 obra estreinatuko dira. 140 musikarik parte hartuko dute: Euskal Herrikoak, Espainiakoak, Alemaniakoak, Japoniakoak, Greziakoak, Australiakoak eta Kubakoak. Gainera, formakuntza saioak ere antolatu dituzte baita haurrentzako eta familientzako tailerrak ere.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.