25 gazte gotorleku horietako batzuen garbiketan, berreskuratzean eta dokumentazioan murgilduta daude Berako Ibardin mendatean eta Gartzin mendi inguruan. Lan horren osagarri, gotorleku horien guztien eraikuntzari buruzko azalpenak, garaiko dokumentazioa, arkeologia-erregistroaren oinarrizko nozioak eta aisialdiko bisita eta jarduera desberdinak daude. Helburua Nafarroako Pirinioetan frankismoan eraikitako eta erabilitako bunkerrak berreskuratzea da, gazteen boluntariotzako kanpamentuen bidez. Eremu horiek, aldi berean, errespetuzko, bakezko, berdintasuneko, elkartasuneko eta ekologiako balioak elkar-trukatu eta lantzeko gune gisa balio dute.
Eraikin hauen bidez, frankismoak, Pirinioak hesi gaindiezin bihurtu nahi izan zituen, eta ehunka gotorleku eraiki zituen horretarako, haranak eta magalak hormigoiez estaliz. Frantziatik egin zitezkeen inbasioen aurrean Espainia Berria defendatzea zuen helburu. Milaka langile, frankismoko presoak gehienak, behartuak izan ziren haren eraikuntzan parte hartzera miseria eta indarkeria baldintza izugarrietan.