Lau eguneko musika jaialdi batera eramaten dugun janariaren zati handi bat soberan geratzen dela jakitun izanik, Zaporeak eta Harituk bigarrengoz jaki bilketa egin dute Hatortxu Rock jaialdian. Helburu honetan ere, handia izan da jendearen elkartasuna eta erantzuna. Bi kamioi betetzeko adina janari bildu baitute.
Bildutako janariak bide luzea egin du Lakuntzatik atera eta Lesboseko errefuxiatuko gunera iritsi bitartean. Bi hilabete barru iritsiko dira Greziako uhartera bildutako 5.000 kilo jakiak.
1.500 dira egun Lesbosen dauden errefuxiatuak. Siriarrak eta Afganistandarrak gehienak, naiz eta azkeneko hilabeteetan ere Palestinatik iritsi diren. Guztientzako janaria prestatzen du Zaporeak elkarteak, bertan dauden sei langileek eta boluntario doazen lantaldeari esker. Edozein laguntza eskertuko du elkarteak. Informazio guztia www.zaporeak.eus webgunean.
Guardasola saioan Fermin Artola, Zaporeak elkarteko boluntarioarekin mintzatu gara.