"Anbiguoa" da Espainiako segurtasuna kolokan jartzen duten dokumentuak ez dituztela desklasifikatuko esatea Sabino Cuadra diputatu ohi eta zenbait libururen egilearentzat. "Nork erabakiko du zein informaziok jarri dezakeen arriskuan Espainiako segurtasuna?", galdetu du hausnarketa gisara. Onartu du aurrera pausoa dela "noski" frankismo garaiko legea atzean utziko duen lege proiektua aurkeztea, baina argitu gabeko atal asko daudela iruditzen zaio: "Txupinazioa besterik ez da atzo aurkeztutakoa. Garapena falta da oraindik", uste du.
Garai asko eta gertaera asko argitzeke daude Euskal Herrian. Horiei begira eta Cuadrak bereziki presente dituen 1978ko sanferminen inguruko gertaerei begira esan duena da, dokumentaziorik ere badenik ukatzen dute beraz, kasu horretan arazoa are larriagoa izan daitekeela. Desklasifikatu gabeko informazioa zabaltzeagatik isun "handiegiak" jarri daitezkeela lege proiektuak jasotakoaren arabera eta kazetarien lana "oztopatzea" ekar dezakeela iruditzen zaio. Sabino Cuadrari egindako elkarrizketa argazkian klik eginda entzun daiteke.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!