De un Pueblo Llamado Agurain diskoaren izenaren akronimotik hartzen du bere izena Duplak, sustraiak herrian errotuta edukitzeari ematen dion garrantziaren seinale. Beñat Oribek eta Gari Uriartek proiektuari ekin ziotenetik eszenatokiak harilkatzen joan dira beren belaunaldia zeharkatzen dituzten gaien inguruan abestuz. Uriartek berak argitu moduan, genero askotarikoak uztartzen dituzten abestien bitartez "belaunaldi horren eta euren inguru hurbilaren" kronistak izan nahi dute.
Sanferminetan, Gazteluko Plazako eszenatokian egonen da Dupla. Uztailaren 11n izanen da, Zea Maysen kontzertuaren aurretik, gaueko 23:00etan. Ohikoa duten moduan, zuzeneko indartsuaren bitartez publikoa dantzan jartzea izanen da afera, Raimundo el Canasterorekin elkarlanean egindako abestiak dioen bezala, mundua bukatzen bada, que nos pille bailando lemari jarraituz. Abeslariak aitortu digun bezala, alta, ez dago aurreikusita Raimundo el Canasterokoak oholtzara ateratzea, ez bada behintza unean uneko