Laba sareak Nafarroako Gobernuarekin sinatu duen akordioari esker 26.000 euro izanen ditu "euskararen erabilera sustatzeko". Laba sareak Gazteluko plazan zabaldu zuen "txokoa" eta handitze prozesuan murgilduta dago. Hala ere, proiektuei eutsi egin diete eta orain gobernuaren babes ekonomikoari esker are indartuko dute euren zeregina: "Proiektua bera indartzeko baliatuko dugu dirua: Ongi Etorri Iruñera eta Hazitegi egitasmoak indartu eta auzoetara gure asmoak ere iritsaraztea da helburua. Hori guztia kudeatzeko langile bat ere hasteko aukera izanen dugu", azaldu du Iker Tubia Laba sareko kideak.
Laba Elkartea handituta irailean abiatuko da aurreikuspenak beteko balira. Lokala orain itxita izanda, irekiera egunera begira jarri dira eta ordutik aurrera eginen dituztenak antolatzen. Sanferminetan Herri Sanferminetako lagunekin arituko dira elkarlanean.
Iker Tubiari Euskalerria Irratian egindako elkarrizketa entzuteko argazkian klik egin daiteke.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!