Maria Txibite Lehendakaria irudikatu dute Mutuetako arduradunarekin hitzarmena adosten, egin behar ez zuena egiten. 2023ko martxoan salatu zuen LABek egoera: "Espainiako Gobernuak egin nahi zuena betetzen ari dira". Nafarroako Enpresarien, UGTren eta CCOOren eskutik egin dutela ere kritikatu du Imanol Karrera LAB sindikatuko Nafarroako arduradunak. "Ez dugu halakorik onartuko", esan du Karrerak.
Osasunbidea pribatizatu nahi dutela salatu dute eta aukera horrek ez duela inor sendatuko adierazi. Hilgarritasun tasa estatuko handiena dela gogoan izan du Karrerak. Bi proposamen jarri ditu LABek mahai gainean pribatizazio hori ekiditeko: Gizarte Segurantzak erakunde horiei ematen dien dirua Osasunbidea indartzera bideratzearen alde egin beharko litzatekeela diote eta neurri subsidiario gisa, publifikazio osoa lortu arte, enpresek kontingentzia guztiak Gizarte Segurantzarekin berarekin kontratatu behar izatea proposatu du LABek, horrela, Osasunbideak indartuko luke langile guztiei kontingentzia guztietarako arreta eskaintzeko bermea. "Osasunbidea hankaz gora jarriko lukeenik ez dugu onartuko".