Iltze bat diskoak izen bereko kantuaren estribilloak borobiltzen duela dio Kilikik. Chill Mafia ohiarekin bere bakarkako lehen diskoari errepasoa egin diogu Irrintzi Plazan. Lana osatzen duten zazpi kantuetan zehar, maitasuna eta heriotza, argia eta iluna josten doaz, tartean musika estilo eta base desberdinak uztartuz.
Berak erran bezala, izan ere, "musika entzule hobea da" musikaria baino; eta atzematen dira bere musika erreferentzia guzti horiek. Scroll ilunetik hasi eta si m miras así itsaskorrera, ya es tarde-rekin bukatuz, ironiatik eta jolasetik ere asko duen diskoaren nondik-norakoak azaldu dizkigu musikariak.