Bideaz gozatzea helmugara iristea baino garrantzitsuagoa da. Argi du hori Raul Imazek. Bizikleta bidaien zale sutsua dugu, bere buruari erronka berri eta oso eder bat jarri diona: Ameriketako Estatu Batuetan sakabanatuta dauden Euskal Etxeak bizikleta bidai bakar batean lotzea. Maiatzaren lehenean hasi zuen bere abentura zirraragarria Imazek Los Angelesen, eta helmuga Idahon dagoen Boiseko euskal jaialdia izanen du, uztailean, bost urtetik behin ospatzen dena eta Ameriketako Estatu Batuetako euskal komunitatearen bilera handiena dena. Guztira, 7.000 kilometro eginen ditu mendebaldeko Euskal Etxe guztiak lotzen.
Irrintzi Plaza saioan zuzenean egin dugu bat Raul Imazen bidaiarekin. Ongi gosaldu eta 120 kilometro luzeko etapa egin aurretik hitz egin du Euskalerria Irratiarekin.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!