Hizkuntza-ohituren inertziak astindu eta euskara gehiago erabiltzeko helburuarekin, udaberriarekin batera iritsiko zaigu aurten Euskaraldia. Ahobizi eta Belarriprest rolen bitartez, modu kolektibo eta sozial batean tokian tokiko euskalgintza aktibatzea eta elkarlanean aritzea ahalbidetuko du, euskaraz bizitzea posible egingo duten neurriak eta espazioak sortuz. Gainera, entitateek ere euskaraz bizitzeko aukerak eta neurriak hartzea sustatu nahi dute antolatzaileek.
Euskaraldiaren laugarren edizioa izango da aurtengoa eta horregatik antolatzaileek helburuak zabaltzeko unea iritsi dela pentsatzen dute, euskararen erabilera aktibatuz eta gizartean errotuz.
Ahobizi edo Belarriprest rolak hautatzeko momentua orain da. Euskaraldia.eus webgunean eman daiteke izena euskararen erabilera aktibatzeko auzolan erraldoi honetan parte hartzeko. Elkar mugituz, egingo dugu.
Irrintzi Plaza saioan Oskar Zapata Nafarroako Taupa Euskaltzaleen Mugimenduko koordinatzailea izan dugu Euskaraldiaren inguruan hitz egiteko.