Luis Lizarragan oinarritu du Juan Luis Larraza idazleak bere bigarren eleberria: Luis Lizarraga kapitaina 1473-1521. Nafarroako askatasunaren indarra Sakanan. Ikerketa lan luze eta sakon baten ondoren berreskuratu du pertsonaia Etxarri Aranazko egileak. Eleberriak fikzioaren tresnak erabiltzen ditu benetakoa izan zen pertsonaia baten bizitza berreraikitzeko. Nafarroako historiaren ezagutzari ale bat gehitzen dion eleberria, zalantzarik gabe, Larrazak idatzi eta Nabarraldek argitara eman duen hau.
"Eleberri honen bidez", kontatu du egileak, "garai hartako historia eta psasdizo esanguratsu batzuen bidez, Luis LIzarragaren bizitza eta ibilbidea irudikatu nahi izan ditut, historikoki jasotako pasadizoetan oinarriturik". Ikerketa lana Pello Monteano historialariaren laguntzarekin egin du, Nafarroako Artxiboan aurkitu dituen dokumentuen bitartez. "Besteak beste, Lizarragaren testamentua izan da argigarrienetako bat, alde horretatik".
Oroz gain, Nafarroaren indepententziaren alde borrokatu zuen pertsonaia bat izan zela gogoratu du egileak, "non eta gaur egun Sakana osatzen duten bailaretan, non sekula ezer ez dela gertatu dirudien".
