Hizkuntza-ohituren inertziak astindu eta euskara gehiago erabiltzeko helburuarekin, udaberriarekin batera iritsiko zaigu aurten Euskaraldia. Ahobizi eta Belarriprest rolen bitartez, modu kolektibo eta sozial batean tokian tokiko euskalgintza aktibatzea eta elkarlanean aritzea ahalbidetuko du, euskaraz bizitzea posible egingo duten neurriak eta espazioak sortuz. Gainera, entitateek ere euskaraz bizitzeko aukerak eta neurriak hartzea sustatu nahi dute antolatzaileek.
Euskaraldiaren laugarren edizioa izango da aurtengoa eta horregatik antolatzaileek helburuak zabaltzeko unea iritsi dela pentsatzen dute, euskararen erabilera aktibatuz eta gizartean errotuz.
Ahobizi edo Belarriprest rolak hautatzeko momentua orain da. Euskaraldia.eus webgunean eman daiteke izena euskararen erabilera aktibatzeko auzolan erraldoi honetan parte hartzeko. Elkar mugituz, egingo dugu.
Irrintzi Plazan Mikel Palacios eta Nora Gonzalez, Nafarroako Euskaraldiaren koordinatzaileak gonbidatu ditugu azkeneko prestaketa lanen inguruan mintzatzeko.
Mikel Palacios eta Nora Gonzalez: “Euskaraldiak norbanakoen eta kolektiboen hizkuntza ohiturak aldatzen ditu”
Maiatzaren 15etik 25era antolatu den Euskaraldiaren laugarren edizioan izena emateko epea irekita dago. Zein da zure hautua? Ahobizi ala Belarriprest?
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!