Nafarroak indar handiagoa hartuko du EAJren barruan, eta alderantziz ere gertatzea nahiko zenukete, alegia, EAJk Nafarroan leku gehiago izatea?
Alderdiak, EAJk apustu argia egin du Nafarroak alderdiaren egunerokoan indar gehiago izateko eta presentzia handiagoa izateko. Bi arrazoi daude horretarako: Aberri ikupegitik erabat koherentea da eta guztizko zentzua du beste burukide bat izatea, eta bestetik, alderdiak Nafarroan indar gerhiago izateko eta alderdia jendeak gehiago ezagutzeko. Betidanik EAJ Nafarroa izan da, alderdi naparra gara. EBBn egoteak esan nahi du Nafarroan indar gehiago izatea EAJk.
Eta Gero Bai sendo bat izateko aukera ematen du horrek guztiak?
Gaur egun gure apustua Geroa Bai koalizioa da. Alderdiak beti bere ibilbide politikoa Nafarroan koalizio baten baitan egin du: lehenbizi Eusko Alkartasunarekin, Nafarroa Bain gero eta 2011tik Geroa Bain gaude. Dudarik gabe, gu EAJren kide gara, EAJ alderdiaren alde egiten dugu eta etorkizunari begira alderdiak koalizioan indar gehiago izatea nahiko genuke. Instrumentu politiko dira koalizioak eta gure apustua Geroa Bai koalizioa da, baina noski EAJ indartuz, hasteko koalizioaren barruan.
Zein da hortaz aurrera begirako estrategia?
Erantzun hori afiliatuen eta alderdiaren esku dago. Alderdia indartzea eta gaur egun Geroa Bairen alde egitea guztiz bateragarriak diren ideiak dira. Afiliatuek eta alderdiak erabakiko dute, hausnarketa sakona eginda. Gaur egun koalizioaren aldeko apustua egiten dugu.
Javier Ollori egindako elkarrizketa audioz ere entzun daiteke argazkian klik eginda.
