Igandean, Palestinako Lurraren Egunaren harira, BDZ ekimenak kaleetara ateratzeko deialdia egin du, Palestinako Lurraren Defentsan lemapean. Bilbon, Donostian, Gasteizen eta Iruñean izanen dira manifestaldiak, CAF euskal enpresak apartheid trenaren proiektuaren bidez Palestinan genozidio sionista eta okupazioa sustatzen lagundu duela salatzeko.
Elkarteak argitu moduan, CAF-ek bost urte daramatza tranbia lineak eraikitzen eta martxan jartzen Jerusalem legez kanpoko kokalekuekin lotzeko, nazioarteko zuzenbidea urratuz eta langileen eta euskal iritzi publikoaren borondatearen aurka”.
Igandeko manifestaldia goizeko 11ean abiatuko da Gazteluko Plazatik eta Nafarroako Gobernuko Industria Saileraino iritsiko da, bertan performace bat egiteko. Eguerdiko ordu batetan, Alde Zaharreko Santa Ana Plazan olibondo bat landatuko da.
BDZ-ta ekimenetik, bestalde, martxoaren 26ik 27rako gauean gertatutako atxiloketa bat ere salatu dute, aditzera eman duten bezala, “ondare historikotzat jotzen diren egituren gainean egindako pintaketengatik”. Nafarroak ezarritako zigorrak beteko dituela adierazi du baina, aldi berean, administrazioari berdina egitea exijitu dio, Nazioarteko Legea bete eta Israelgo estatu genozidarekin eta hura babesten duten enpresekin mota guztietako harremanak hautsiz.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!