30 urte pasa dira Iruñeko laukote honek bere lehenengo kontzertua eman zuenetik Altsasuko gaztetxean. Martxoaren 25ean izan zen. Ordutik hona 9 disko, hamarnaka kantu eta ehunka kontzertu. Euskal Herriko musika panoraman talde klasiko batean bihurtu da Leihotikan.
Funk, rap edota elektronika doinuek garrantzia hartu duten honetan, haien estiloari eutsi diote. Amodioari eta sentimenduei kantatuz, konpromiso sozialari eutsiz. 30 urteurrena ospatzeko lehenengo diskoaren ber argitalpena egin dute eta Indara aretoan kontzertua eskainiko dute Sodade taldearekin batera. Urteurrena ez da agur bat izango, jarraitzeko gogotsu agertu baita Gorka Armendariz Euskalerria Irratiko mikrofonoetan.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!