BSHk ez dio eutsi nahi Eskirozko plantari baina ez du argi esaten erabakia irmoa denik. Izan ere, duela hilabete, Herbereetako aholkularitza enpresa bat kontratatu zuen berrindustrializazio prozesua azter zezan.
Aukera guztiak mahai gainean daudela iruditzen zaie langileei. Batzordeak jakin duenez, sindikatuei eta administrazio publikoari ezer esan gabe, BSH 2021. urtean ahalegindu zen Ezkirozko lantokia saltzen. Langileen batzordearen helburua da jarduerari eustea proiektu bideragarri bat topatu bitartean, eta ondorioz zuzeneko eta zeharkako lanpostuei eustea.
Fase berri batean barneratu dira BSHko langileak. Mobilizazio eta ekintzak adostuko dituzte hemendik aurrera ere.
Abenduaren 16an iragarri zuen Ezkirozko planta ixteko erabakia, eta sei hilabeteren buruan gauzatuko litzateke itxiera. 655 familiaren etorkizuna dago jokoan. Argazkian klik eginda entzun daiteke Sergio Ayucarri egindako elkarrizketa.
