2025eko Euskaraldiak denda-bulegoa izanen du Iruñean: San Anton kalean ematen ahalko da izena bihartik aurrera Belarriprest edo Ahobizi gisara aritzeko. Horrez gain, Euskaraldiarekin zerikusia duen materiala ere salgai egonen da. Astelehen, asteazken eta ostiraletan goizez izanen da zabalik eta astearte eta ostegunetan arratsaldez.
Euskaraldian parte hartzeko aukera zabalduko da bihartik aurrera norbanakoentzat. Orain arte, aukera hori entitate eta erakundeek izan dute eta Iruñeko denda-bulegoaren irekierarekin batera hasiko dira Belarriprest edo Ahobizi-ko txapak banatzen. 10:00etan izanen da San Anton kalean zabalik egonen den dendaren inaugurazioa. Maiatzaren 15etik 25era eginen dute Euskaraldiaren dinamika. Taupako kide Oskar Zapatarekin egindako elkarrizketa argazkian klik eginda entzun daiteke.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
