"Iaztik testuingurua ez da apenas aldatu", adierazi dute Euskal Herriko Mugimendu Feministako kideek. Gure bizitzekin negoziorik ez, har itzazue ardurak leloarekin atera ziren kalera Martxoaren 8an, baina "desberdinkeriek" bere horretan dirautela diote. "Mugimendu Feministak izan ditu lorpenak ere, zenbait urte atzera pentsaezinak zirenak", esan dute. Hala ere, "ez da erraza izaten ari", diotenez. Dena dela, "urrats bat aurrera egiten den aldiro, oldarraldi erreakzionario bat jasotzen dugu pribilegioak kolokan ikusten dituztenen aldetik", azaldu dira haserre.
Hiru ardatz nagusi nabarmenduko dituzte: indarkeria matxistarena izanen da horietako bat; krisi ekosoziala izanen da bigarrena eta azkenik, migrazio politikak salatzera ere aterako dira kalera.
Atzerapausorik emateko asmorik ez dutela ere argi utzi dute. Faxismoaren kontra, ausardia eta aliantza feministez armaturik daudela adierazi dute. Euskal Herriko hiriburu zenbaitetatik manifestazioak eginen dituzte Martxoaren 8an: Iruñekoa 13:00etan aterako da Antoniutitik.
