"Egoera larrian egotea guri tokatu zaigu orain, baina edonori gerta dakioke", esan du Sergio Ayucar LAB sindikatuko ordezkari eta BSHko langileak. Kinka larrian dauden langileak gaur gaurkoz 2.000 inguru direla uste du, nahiz industriak hartu duen joera arriskutsua den eta "askoz gehiago izan daitezkeen etorkizun hurbilean egoera kezkagarrian", uste du Ayucarrek. Igandean manifestazioan askoz ere jende gehiago izanen da kalera aterako dena, ez bakarrik enpresa deitzaileen kideak: "Beste enpresa askok egin dute bat gure aldarriarekin", jakinarazi du. Sergio Ayucarri egindako elkarrizketa argazkian klik eginda entzun daiteke.
NAFARROAKO INDUSTRIAREN DEFENTSAN
Sergio Ayucar (BSH): "Industria hartzen ari den joera arriskutsua da"
Zazpi enpresetako enpresa batzordeek deituta igandean 12:00etan manifestazioa eginen dute Iruñean Nafarroako industriaren etorkizunaren defentsan. Nano Automotive, Sunsundegi, Tenerias Omega, Volkswagen Nafarroa, Siemens Gamesa, Tasubinsa eta BSHko langileek egin dute deia eta beste asko batu zaizkie. Asko izanen dira euren aldarriak konpartituko dituzten herritarrak ere, aurreikusi dutenez.
Erlazionatuak
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
