Tindufeko kanpalekuetan izan da Berria egunkariko kazetari Kristina Berasain. Bere esanetan, egoera humanitarioa gero eta latzagoa da. Datorren urtean mende erdia beteko da basamortuan errefuxiatuta daudela. Eremu lehorrean ahaztuta. Nazioarteko laguntzak amaitzen ari dira. Gerraren kalteak nabarmenak dira. Maroko dronekin ari da sahararrak hiltzen. Dagoeneko 120 zibil hil dituzte.
Kristina Berasainek ‘Sahara, herri bat erresistentzian’ liburua idatzi zuen. Herrialde horrekiko lotura berezia du Lizarrako alabak. Azaldu digunez, Europako Justizia Auzitegiak epai historikoa eman zuen, urrian. Bertan jasotzen da Maroko eta Mendebaldeko Sahara loturarik ez duten bi herrialde direla.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.