1984an sortu zen La Unica taldea, eta osasuntsu iritsi da helduarora: 320 jokalari ditu bederatzi kategoriatan banatuta.
Piramidearen goiko erpinean, Ohorezko B Mailan dabilen gizonezko taldea dago. Espainiako Estatuko Bigarren Maila da hori, eta bertan, hiru denboraldi daramatza jarraian La Unica taldeak. Eta, senior mailako emakumeak, berriz, Euskal Ligako onenetakoak dira.
Hortaz, oso talde lehiakorra da La Unica, baina harrobiko lanari ere erreparatzen dio. Guztira sei talde dauzka azpiko mailetan. Eta beteranoek eta gurasoek ere jokatzen dute. Klubaren berri eman digute Khadi Loumek eta Olabek.
