Familia orok dituzte beren sekretuak, senideek soilik ulertu ditzaketen komunikazio kodeetatik hasi eta etxeko lau pareten artean preso dauden errealitate gordinetara. Batzuetan, indarkeria matxistak bere tentakuluak ere erakusten ditu. Baina kasu, batzuetan arrakala txiki bat irekitzen da, pitzadura ñimiño bat, eta ez dago atzera bueltarik: etxea puskatu eta barreneko zikinkeria guztia kanpora ateratzen da. Arrakala horretan jarri du begirada, hain zuzen ere, Garai Albizua idazle santurtziarrak bere azken eleberrian, Egunen akabera, Erein argitaletxearen eskutik plazaratu duena.
Familia sekretuen zingiran murgilduta bizi da Albizuaren eleberriko protagonista, Haizea, edo ingurukoek deitzen dioten bezala, Barraskilo. Egileak argitu bezala, indarkeriaren gaiarekin batera adiskidetasuna da kontakizunean nabarmentzen den bigarren ardatz nagusia.
