Irati ibaiak ureztatzen dituen herri eta bailarak modu desberdin batean ezagutzeko proposamena da Kati Leatxe Karekin Kultura enpresako kudeatzailea eta Estitxu Larrea diseinatzaile eta ilustratzaileak aurkezten digutena. Hain ezaguna den Irati basotik behera dauden harribitxi ezezagunak deskubritzeko aukera emango digu.
Testuak eta ilustrazioaz gain, QR kodeen bitartez abestiak, filmak, testuak eta liburuak ere kontsultatu ahal izango dira. Bidaia bilduma bezala planteatu dute eta honakoa bigarren alea da. Duela hiru urte abiatu zuen abentura Estitxu Larreak ikasketa bukaerako lan bezala.
Eskualdeko emakume sortzaileekin batera elkarlanean egindako lana da Iratira Bidaia, sormen bideak. Larunbatean aurkeztuko da Agoizko Kultur Etxean, arratsaldeko 7etan.
Irrintzi Plazara Kati Leatxe eta Estitxu Larrea hurbildu zaizkigu liburuaren xehetasunen berri emateko.
