Urtebete da Joseba Beramendi Exprai-k diseinuaren mundua baztertu eta marrazkilaritzaren bideari heltzea erabaki zuela. Orain Txalaparta argitaletxearen eskutik iritsi zaigu bere album ilustratua: Zu hor eta ni hemen, haurren hizkeran Palestinako gaiari heltzen dion liburua. Haurrekin ere solastatu behar delako munduan gertatzen diren bidegabekeriez, betiere beren lengoaian, akaso erantzunik ere ez duten galderei tiraka. Halaxe heldu dio gaiari, irudietan ilunetik argira joz, testuetan errimak baliatuz, haurrentzako bada ere helduek ere irakurri dezaketen liburua hondu arte.
